«Ապրելու երկիր» կուսակցությունից Գյումրիի քաղաքապետի թեկնածու Կարեն Մալխասյանն այսօր քվեարկելուց հետո լրագրողների հետ զրույցում եւս մեկ անգամ շեշտել է, որ «Քաղաքացիական պայմանագրի» հետ կոալիցիա եւ ընդհանրապես ցանկացած համագործակցություն չեն ենթադրում։

«Մյուս ուժերի հետ համագործակցության եզրեր կան, բայց ժամանակից առաջ չընկնենք», - ասել է նա:

Ընտրությունների ընթացքից քաղաքապետի թեկնածուն այս պահին գոհ է։ Նշում է, որ եղել են «մանր-մունր» տեխնիկական խնդիրներ, բայց դրանք այնպիսին չեն եղել, որ դրանց մասին բարձրաձայնեն։

Նա նշել է, որ «Ապրելու երկիրը» հետեւողական է լինելու, որպեսզի գյումրեցին կարողանա քվեարկության միջոցով ազատորեն արտահայտի իմ կամքը։