«Քաղաքացիական պայմանագիր» խմբակցության ԱԺ պատգամավոր Վիլեն Գաբրիելյանը հայտնել է, որ վայր է դնում մանդատը՝ Գյումրիում տեղի ունեցած միջադեպերի հետ կապված՝ որակելով իր վարքը ոչ համարժեք պատգամավորի կարգավիճակին։
Նա ընդգծել է, որ քաղաքական գործընթացներում անհրաժեշտ է պատասխանատվություն կրել և հստակ վարք դրսևորել։ Գաբրիելյանը հրապարակային ներողություն է խնդրել միջադեպի համար և հայտնել, որ համապատասխան դիմումը կհանձնի ԱԺ աշխատակազմ։
Միաժամանակ, Գաբրիելյանը հայտնել է, որ առաջադրվում է որպես թեկնածու՝ «Քաղաքացիական պայմանագիր» կուսակցության վարչության առաջիկա ընտրություններում՝ նշելով, որ կուսակցությունն ունի «առողջացման և կերպարանափոխման կարիք»։
Նա իր գրառումն ավարտել է Պարույր Սևակի խոսքերով՝ «հանուն վաղվա ճշմարտության, թող որ լինեմ այսօր սխալ»։
Մարտի 30-ին լրագրողը մոտեցել էր Գյումրիում շրջող Գաբրիելյանին՝ հարցեր տալու նպատակով: Նա ոչ սթափ վիճակում սեռական բնույթի հայհոյանքով պահանջել էր, որ չհրապարակի տեսանյութը։ Տեսանյութը հրապարակելուց հետո լրագրողները պահանջում էին Գաբրիելյանից ներողություն խնդրել ու մանդատը վայր դնել:
Հուլիս
Դեկտեմբեր
Ապրիլ
Մարտ
Հուլիս
Դեկտեմբեր
Ապրիլ
Մարտ