Ընտրություններում «Մայր Հայաստան» կուսակցությունների դաշինքի մինիմում ծրագիրը «Քաղաքացիական պայմանագրին» Գյումրիում իշխանազրկելն է, իսկ մաքսիմում ծրագիրը  ստանձնել քաղաքի կառավարումը՝ բերելով որակ եւ նորություն, քվեարկելուց հետո ասել է «Մայր Հայաստանի» Գյումրիի քաղաքապետի թեկնածու Կարեն Սիմոնյանը։

«Բացարձակ կապ չունի, թե մենք մեր ձեռքով ենք դա [իշխանափոխություն] իրականացնելու, թե ընդհանուր ընդդիմադիր դաշտը», - ասել է թեկնածուն։

Կարեն Սիմոնյանը պատրաստակամություն է հայտնել տարաձայնությունների դեպքում դառնալ «իշխանազրկման լոկոմոտիվը»։

Ըստ նրա՝ այս ընտրություններում իրենք տեսնում են մեծ քաղաքականություն եւ կարծում, որ ամեն ինչ կախված է Գյումրիի քվեից։