Իսրայելը հայտարարել է Գազայի հատվածում ռազմական գործողությունների ընդլայնման մասին։ Այս մասին հայտարարել է երկրի պաշտպանության նախարար Իսրայել Կացը՝ նշելով, որ առաջիկա օրերին Գազայի տարածքի զգալի մասը վերածվելու է «անվտանգության գոտու»։

Իսրայելի ռազմական գերատեսչության ղեկավարի խոսքով՝ այդ նպատակով Խան-Յունիս և Ռաֆահ քաղաքներում բնակվող պաղեստինցիները պետք է լքեն իրենց տները։ Կացի պնդմամբ՝ պաղեստինցիները պետք է տեղափոխվեն ծովափնյա Ալ-Մավասի շրջան։