«Մեր քաղաքը» կուսակցությունների դաշինքի Գյումրիի քաղաքապետի թեկնածու Մարտուն Գրիգորյանը հայտարարել է, որ «Քաղաքացիական պայմանագիր» կուսակցության հետ չի համագործակցի։

«Սիրելի գյումրեցիներ, վերահաստատում եմ ասածս` ՔՊ-ն Գյումրիում քաղաքապետ չի ունենալու` դա հաստատ է», - Ֆեյսբուքի իր էջում գրել է նա։

«Մեր քաղաքը» դաշինքը Գյումրիի ավագանու ընտրություններում, ըստ նախնական արդյունքների, երրորդ ամենաշատ քվեն ստացած ուժն է եւ հենց այս դաշինքից է կախված հանրապետության երկրորդ քաղաքի ավագանիում ուժերի հարաբերակցությունը։