Պաշտոնական այցով Հայաստան ժամանած Գերմանիայի նախագահ Ֆրանկ-Վալտեր Շտայնմայերն ապրիլի 1-ին այցելել է Մայր Աթոռ Սուրբ Էջմիածին:
Ըստ Մայր Աթոռի տեղեկատվական համակարգի՝ նկատի առնելով, որ Գերմանիայի նախագահը մեկնելու է նաև Ադրբեջան՝ Վեհափառ Հայրապետը խնդրանքով դիմել է Շտայնմայերին՝ Բաքվում բարձրաձայնելու Արցախի ժողովրդի արդար իրավունքների, ինչպես նաև հայ ռազմագերիների ազատ արձակման, հայկական հոգևոր-մշակութային ժառանգության պահպանության հիմնախնդիրները։
Շտայնմայերը հավաստիացրել է, որ իր միջնորդական ջանքերը կգործադրի ի նպաստ տարածաշրջանում վերջնական խաղաղության հաստատման։
Ամենայն Հայոց Կաթողիկոսը Գերմանիայի նախագահի հետ աղոթել են աշխարհում խաղաղության և մարդկության բարօր ու ապահով կյանքի համար, ապա Շտայնմայերը շրջել է Մայր Տաճարում, ծանոթացել հիմնանորոգված սրբավայրի պատմությանը։
Ավելի ուշ Գերմանիայի նախագահը մեկնել է Բաքու, որտեղ նախատեսված է հանդիպում Ադրբեջանի նախագահ Իլհամ Ալիևի հետ։
Երևանում նա, մասնավորապես, հայտարարել է՝ «կա խաղաղության համաձայնագիր, պետք է անել վերջին քայլերը՝ խաղաղություն հաստատելու համար։
Չնայած խաղաղության պայմանագրի տեքստի շուրջ բանակցությունների ավարտից հետո Երևանը բազմիցս հայտարարել է, որ պատրաստ է ստորագրել խաղաղության համաձայնագիրը, Բաքուն դեռ չի արձագանքել, ավելին՝ չի հրաժարվում ստորագրման նախապայմաններից՝ Հայաստանի Սահմանադրության փոփոխություն և Մինսկի խմբի լուծարում:
Հուլիս
Դեկտեմբեր
Ապրիլ
Մարտ
Հուլիս
Դեկտեմբեր
Ապրիլ
Մարտ