Չինաստանը նախազգուշացրել է, որ պատրաստ է «ցանկացած տեսակի պատերազմի»՝ ի պատասխան ԱՄՆ նախագահ Դոնալդ Թրամփի կողմից սահմանված նոր մաքսատուրքերին։
Թրամփը բարձրացրել է մաքսատուրքերը չինական բոլոր ապրանքների վրա, Պեկինը պատասխանել է՝ ամերիկյան գյուղմթերքի համար սահմանելով 10-15% հավելյալ մաքսատուրքեր։

Չինաստանի դեսպանատունը «X» հարթակում վերահրապարակել է կառավարության հայտարարությունը՝ ընդգծելով, որ Պեկինը պատրաստ է դիմակայելու ցանկացած տնտեսական կամ առևտրային պատերազմ։

Համատեքստում Չինաստանի վարչապետ Լի Ցիանգը հայտարարել է, որ 2025 թվականին Չինաստանը կրկին 7.2%-ով կավելացնի պաշտպանական ծախսերը՝ շեշտելով, որ աշխարհում ընթանում են «մեկ դարում չտեսնված փոփոխություններ»։

Չինաստանը նաև փորձում է ցույց տալ իր կայուն ու խաղաղ կերպարը՝ հակադրելով այն ԱՄՆ-ին, որը, ըստ Պեկինի, ներգրավված է Մերձավոր Արևելքի և Ուկրաինայի պատերազմներում։

Միևնույն ժամանակ, Չինաստանը շարունակելու է բաց լինել օտարերկրյա ներդրումների համար՝ փորձելով խուսափել ավելորդ լարվածությունից, որպեսզի չվտանգի նոր տնտեսական համագործակցությունները։