Գիրություն, դեպրեսիա, արյան բարձր ճնշում եւ ասթմա․ այս քրոնիկ հիվանդություններից միայն մի քանիսն են, որոնք այսօր ազդում են 18-ից 34 տարեկան գրեթե 40 միլիոն ամերիկացիների վրա, ցույց են տվել նոր ուսումնասիրության տվյալները։ Ընդհանուր առմամբ, 2019 թվականի տվյալների համաձայն, չափահաս բնակիչների կեսից ավելին (գրեթե 54 տոկոս) ունի առնվազն մեկ քրոնիկ առողջական խնդիր:

Համաձայն ԱՄՆ Հիվանդությունների վերահսկման եւ կանխարգելման կենտրոնի հետազոտողների խմբի տվյալների՝ գրեթե յուրաքանչյուր չորրորդը (22 տոկոս) ունի այս քրոնիկ հիվանդություններից երկուսը կամ ավելին:

«Ամենահաճախ հանդիպող հիվանդություններն են եղել գիրությունը (25,5 տոկոս), դեպրեսիան (21,3 տոկոս) եւ արյան բարձր ճնշումը (10,7 տոկոս)»,-հայտնել է Քեթլին Ուոթսոնի գլխավորությամբ հետազոտողների խումբը։