Ամերիկացի քրիստոնյա առաջնորդների կոալիցիան նամակով դիմել է նախագահ Դոնալդ Թրամփին` կոչ անելով վճռական քայլեր ձեռնարկել ադրբեջանական իշխանությունների կողմից պահվող 24 քրիստոնյա պատանդների՝ 23 հայ քրիստոնյաների և մեկ կրոնափոխ ադրբեջանցու ազատ արձակման համար։

Նրանք գրել են Ռուբեն Վարդանյանի մասին՝ նշելով, որ հացադուլի «հետևանքով նրա առողջական վիճակը կտրուկ վատանում է ադրբեջանական կալանքի տակ»։

Կոչը ստորագրողները նշում են, որ պահվող քրիստոնյաների խոշտանգումների և շարունակվող բռնությունների մասին հավաստի հաղորդումներ կան ու համոզմունք են հայտնել, որ նախագահ Թրամփը եզակի հնարավորություն ունի քրիստոնյաների կյանքը փրկելու համար արագ գործողություններ ձեռնարկելու համար։